ఆయువు తీసిన చలిమంటలు

దేవనకొండ, న్యూస్‌టుడే: చలి కాచుకునేందుకు వేసుకున్న మంటల్లో పడి ఓ వృద్ధురాలు ప్రాణాలు కోల్పోయారు. కర్నూలు జిల్లా దేవనకొండ మండలం తెర్నేకల్‌ గ్రామానికి చెందిన మాల బజారమ్మ(78) సోమవారం వేకువజామున చలిమంట వేసుకున్నారు. కొద్దిసేపటికి అక్కడి నుంచి లేవబోతూ మంటల్లో పడిపోయారు. వృద్ధురాలు కావడంతో బోర్లాపడటంతో అందులోంచి లేవలేకపోయారు. కొద్దిసేపటికి కుటుంబ సభ్యులు గమనించి ఆమెను మంటల్లోంచి తీశారు. అప్పటికే తీవ్ర గాయాలు కాగా.. 108 అంబులెన్సు వాహనంలో ఆదోని ఆస్పత్రికి తరలించారు. చికిత్స పొందుతూ బుధవారం మృతి చెందినట్లు పోలీసులు తెలిపారు.