దొంగతనం మోపారని 58 ఏళ్ల మహిళపై అత్యాచారం

ఆపై కొడవలితో హత్య చేసిన 16 ఏళ్ల బాలుడు

రీవా: దొంగతనం మోపారన్న అవమానంతో 58ఏళ్ల మహిళపై 16ఏళ్ల బాలుడు ఆత్యాచారం చేసి ఆపై కొడవలితో దారుణంగా హత్యచేసిన ఘటన మధ్యప్రదేశ్‌లోని రీవా జిల్లాలో జరిగింది. రెండేళ్ల క్రితం.. టీవీ చూడటానికి ఆ మహిళ ఇంటికి వెళ్లేవాడు బాలుడు. ఇంట్లో ఒకసారి ఫోన్‌ కనపడకపోవడంతో బాలుడే దొంగతనం చేశాడని ఆమె కుటుంబసభ్యులు అతణ్ని నిందించారు. ఈక్రమంలో గతనెల 30న మహిళ భర్త, కుమారుడు ఇంట్లో లేని సమయంలో బాలుడు చొరబడ్డాడు. బాధితురాలిని ద్వారానికి కట్టేసి అత్యాచారానికి పాల్పడ్డాడు. తర్వాత తల, ఇతర భాగాల్లో కొడవలితో దాడి చేశాడు. ప్రైవేటు భాగాలలో కర్రతో విచక్షణారహితంగా కొట్టాడు. భవనంలో మృతదేహం ఉన్నట్లు ఈ నెల 1న పోలీసులకు సమాచారం అందింది. అనంతరం బాలుడ్ని అదుపులోకి తీసుకొని పలు సెక్షన్ల కింద కేసు నమోదు చేసి జువేనైల్‌ హోం(బాలల కేంద్రం)కు తరలించినట్లు ఏఎస్పీ వివేక్‌ లాల్‌ తెలిపారు.