Gold: సముద్రంలో విసిరేసిన 12 కిలోల బంగారం స్వాధీనం

ఆర్కేనగర్‌, న్యూస్‌టుడే: రామేశ్వరం వద్ద సముద్రంలో విసిరేసిన 12 కిలోల బంగారాన్ని తమిళనాడు పోలీసులు స్వాధీనం చేసుకున్నారు. వారి కథనం మేరకు... తమిళనాడులోని రామేశ్వరం సమీపంలో వలైగుడా ప్రాంతంలో బుధవారం గస్తీ తిరుగుతుండగా సముద్రంలో ఓ పడవ కనిపించింది. పోలీసులు రావడాన్ని చూసి అందులో ఉన్న ముగ్గురు వ్యక్తులు పడవలోని బంగారు బిస్కెట్లను సముద్రంలో పడేశారు. ముగ్గురు నిందితులు ఏమీ లేవని చెప్పారు. దీంతో పోలీసులు అనుమానంతో స్కూబా డైవింగ్‌ చేసే వారిని రప్పించి సముద్రం అడుగున బంగారం కోసం వెతికించారు. మన్నార్‌ వలైగుడా ప్రాంతంలో బంగారు బిస్కెట్లు లభ్యమయ్యాయి.