బాలికలతో అర్ధనగ్న నృత్యాలు చేయించిన టీచర్‌

విద్యాబుద్ధులు నేర్పించాల్సిన ఉపాధ్యాయుడే తన విధులను మరిచి విద్యార్థినులతో అసభ్యంగా ప్రవర్తించాడు. బాలికలతో అర్ధనగ్నంగా డ్యాన్స్‌లు చేయించి, వాటిని వీడియోలు తీశాడు. ఈ ఘటన మధ్యప్రదేశ్‌లో వెలుగుచూసింది. జబల్‌పుర్‌ ప్రాంతంలోని ఓ ప్రభుత్వ పాఠశాలలో రామ్‌సింగ్‌ ఠాకుర్‌ ఉపాధ్యాయుడిగా విధులు నిర్వర్తిస్తున్నాడు.

అతడుఈ నెల 11న..  4, 5వ తరగతి చదువుతున్న కొందరు బాలికలతో పాఠశాల గదిలో బలవంతంగా అర్ధనగ్నంగా నృత్యాలు చేయించాడు. ఆ దృశ్యాలను తన ఫోన్‌లో చిత్రీకరించాడు. ఈ విషయం ఎవరికి చెప్పవద్దని   బెదిరించాడు. ఓ బాలిక ఈ విషయాన్ని తన తల్లికి తెలపడంతో ఇది వెలుగులోకి వచ్చింది. దీంతో గ్రామస్థులు ప్రధానోపాధ్యాయురాలికి ఫిర్యాదు చేశారు. ఆమె చిన్నారుల కుటుంబీకులతో కలిసి పోలీసులకు ఫిర్యాదు చేశారు. నిందితుణ్ని పోలీసులు అరెస్టు చేశారు.