సర్‌ప్రైజ్‌ గిఫ్ట్‌.. కళ్లు మూసుకో అని చెప్పి కత్తితో పొడిచి చంపారు!

గుజరాత్‌ రాష్ట్రంలోని అహ్మదాబాద్‌లో తన భార్యను వేధిస్తున్నాడనే కోపంతో ఓ వ్యక్తి స్నేహితుడిని హత్య చేశాడు. అనంతరం సాక్ష్యాధారాలు లభించకుండా ఉండేందుకు శరీరాన్ని ముక్కలుగా చేసి చెత్తకుప్పలో పడేశాడు. బాపునగర్‌ పోలీస్‌స్టేషన్‌ పరిధిలో నివసించే మహ్మద్‌ మీరజ్‌, మహ్మద్‌ ఇమ్రాన్‌ స్నేహితులు. ఇమ్రాన్‌ కోసం అతని ఇంటికి వెళ్లే మీరజ్‌.. మిత్రుడి భార్యను తరుచూ వేధించేవాడు. దీనిపై ఆగ్రహించిన ఇమ్రాన్‌ పలుమార్లు హెచ్చరించినా మీరజ్‌ తీరు మారకపోవడంతో అతణ్ని చంపాలని పథకం రచించాడు. దీని ప్రకారం మీరజ్‌ను ఇంటికి పిలిచి ఓ సర్‌ప్రైజ్‌ గిఫ్ట్‌ ఇస్తామంటూ కళ్లకు గంతలు కట్టి.. ఇమ్రాన్‌ దంపతులు ఇద్దరూ అతణ్ని కత్తితో పొడిచి చంపారు. తమ కుమారుడు కనిపించడం లేదన్న మీరజ్‌ తల్లిదండ్రుల ఫిర్యాదుపై దర్యాప్తు చేపట్టిన పోలీసులు.. స్నేహితుడైన ఇమ్రాన్‌పై అనుమానం వచ్చి విచారించగా అసలు విషయం బయటపడింది.