Nellore: పట్టపగలే నడిరోడ్డుపై అత్యాచార యత్నం

సంగం, న్యూస్‌టుడే: శ్రీపొట్టి శ్రీరాములు నెల్లూరు జిల్లా సంగం మండలంలోని ఓ గ్రామంలో శుక్రవారం 15ఏళ్ల బాలికపై పట్టపగలే నడివీధిలో అత్యాచారయత్నం జరిగింది. పోలీసులు తెలిపిన వివరాలివి. బాధిత బాలిక దుకాణానికి వెళ్లి తిరిగొస్తుండగా యువకుడు  కె.రమేశ్‌ ద్విచక్రవాహనంతో అడ్డగించాడు. ఆ బాలిక శరీరంపై చేతులు వేసి అసభ్యంగా ప్రవర్తించడంతోపాటు బలవంతంగా తన వాహనంపైకి ఎక్కించుకునేందుకు ప్రయత్నించాడు. బాధితురాలు తప్పించుకుని తన ఇంటికి పరుగు తీసింది. తల్లిదండ్రులకు సమాచారమివ్వడంతో వారు నిందితుడిని నిలదీశారు. దీంతో వారిపైనా నిందితుడు దాడి చేశాడు.