విషాదం నింపిన విహారం
హైదరాబాద్ గండిపేట సమీపంలోని ఖానాపూర్ వద్ద శుక్రవారం ఉదయం 9.56 గంటలకు ఘోర రోడ్డు ప్రమాదం జరిగింది. అతివేగంతో వచ్చిన కారు ఆగి ఉన్న లారీని ఢీకొట్టడంతో ముగ్గురు అక్కడికక్కడే దుర్మరణం చెందారు.
120 కి.మీ.ల వేగంతో లారీని ఢీకొట్టిన కారు
గండిపేట సమీపంలో నలుగురి దుర్మరణం
ఒకరు బ్రెయిన్డెడ్, ఇద్దరికి ప్రాణాపాయ స్థితి
నార్సింగి, నిజాంపేట, న్యూస్టుడే: హైదరాబాద్ గండిపేట సమీపంలోని ఖానాపూర్ వద్ద శుక్రవారం ఉదయం 9.56 గంటలకు ఘోర రోడ్డు ప్రమాదం జరిగింది. అతివేగంతో వచ్చిన కారు ఆగి ఉన్న లారీని ఢీకొట్టడంతో ముగ్గురు అక్కడికక్కడే దుర్మరణం చెందారు. మరొకరు ఆసుపత్రిలో కన్నుమూశారు. ఒకరు బ్రెయిన్డెడ్ కాగా ఇద్దరు ప్రాణాపాయ స్థితిలో ఉన్నారు. ఏడుగురు ప్రయాణించే కారులో 12 మంది వెళ్తుండగా ఈ దుర్ఘటన చోటుచేసుకుంది. వీరంతా 14 నుంచి 19 ఏళ్లలోపు వారే కావడం గమనార్హం. స్నేహితురాలికి పెళ్లి కుదిరిన నేపథ్యంలో సరదాగా గడిపేందుకు వెళ్తున్న క్రమంలోనే ఈ ప్రమాదం జరిగింది. ప్రమాద సమయంలో వాహనం 120-130 కి.మీ.ల వేగంతో ఉన్నట్లు పోలీసులు అంచనా వేస్తున్నారు.
సరదాగా బయలుదేరి..
హైదరాబాద్లోని నిజాంపేటకు చెందిన ఎమిలిపురం సత్తిబాబు దంపతులు స్థానికంగా ఉన్న ఓ అపార్టుమెంటులో వాచ్మన్లుగా పనిచేస్తున్నారు. వారికి దివ్య(19), అర్జున్(14) పిల్లలు. దివ్యకు ఇటీవల వివాహం నిశ్చయమైంది. జూన్ 2న ముహూర్తం. ఈ నేపథ్యంలో కాలనీలో ఇరుగుపొరుగున ఉండే స్నేహితుల కోరిక మేరకు శుక్రవారం సరదాగా గండిపేటలోని ఓషన్ పార్కుకు విహారానికి బయలుదేరారు. ఇందుకోసం ఈదులపల్లి శివారెడ్డికి చెందిన కారు తీసుకున్నారు. నిజాంపేటకు చెందిన బైక్ మెకానిక్ ప్రసాద్(19) డ్రైవరుగా వచ్చాడు. వాస్తవానికి కారులో ఏడుగురు మాత్రమే ప్రయాణించే వీలుంది. అయినా డ్రైవరుతో కలిపి మొత్తం 12 మంది కూర్చున్నారు. దివ్య, అర్జున్లతోపాటు నిజాంపేటలో నివాసముండే చేవెళ్లకు చెందిన ఈదులపల్లి శివారెడ్డి, సంధ్యారెడ్డి దంపతుల కుమార్తెలు సాయి అంకిత(16), సాయి అర్షిత(17), ఏపీలోని పశ్చిమగోదావరి జిల్లా సిద్ధాంతం గ్రామానికి చెందిన పాలిటెక్నిక్ విద్యార్థి నితిన్(17), ఇంటర్ ద్వితీయ సంవత్సర విద్యార్థి తాటి అమృత్(20), అతని సోదరుడు ధనుశ్(18), బీటెక్ తొలి ఏడాది విద్యార్థి ప్రదీప్(17), అతని సోదరి సుస్మిత(19), ఇంటర్ ద్వితీయ సంవత్సరం విద్యార్థి సత్యవాడ అఖిల(18), ఇంటర్ విద్యార్థిని మౌనిక(17) వారిలో ఉన్నారు.
అతివేగం.. నిర్లక్ష్యపు డ్రైవింగ్
ప్రసాద్ వాహనాన్ని వేగంగా నడుపుతూ ఖానాపూర్ దాటగానే బస్సును ఓవర్టేక్ చేసే క్రమంలో రోడ్డుపక్కనే ఆగి ఉన్న లారీని బలంగా ఢీకొట్టాడు. దాంతో కారు ముందు భాగం, పైభాగం నుజ్జయిపోయాయి. అంకిత, అర్షిత, నితిన్ అక్కడికక్కడే ప్రాణాలు కోల్పోయారు. మిగతావాళ్లు ఒకరిమీద ఒకరు పడి ఇరుక్కుపోయారు. పోలీసులు నలుగురిని అతి కష్టమ్మీద బయటకు తీశారు. క్షతగాత్రులను మెహిదీపట్నంలోని ఓ ఆసుపత్రికి తీసుకెళ్లగా చికిత్సపొందుతూ అమృత్ మరణించాడు. డ్రైవర్ ప్రసాద్ బ్రెయిన్డెడ్ అయినట్లు వైద్యులు ధ్రువీకరించారు. ప్రదీప్కుమార్, అర్జున్ల పరిస్థితి విషమంగా ఉంది. అయిదుగురు స్వల్ప గాయాలతో చికిత్స పొందుతున్నారు. ప్రమాదంలో కారులోని స్పీడో మీటరు ధ్వంసమైంది. మృతదేహాలను ఉస్మానియా ఆసుపత్రికి తరలించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
పుత్తూరులో భారీ మద్యం డంప్ స్వాధీనం
తిరుపతి జిల్లా పుత్తూరులో భారీ మద్యం డంప్ను పోలీసులు స్వాధీనం చేసుకున్నారు. మద్యం కేసులను వైకాపా నాయకులు ప్రైవేటు కళాశాలలో డంప్ చేసినట్లు గుర్తించారు. -
సీఎంపై రాయి విసిరిన కేసులో నిందితుడు సతీష్ అరెస్టు
విజయవాడలో రోడ్షో నిర్వహిస్తుండగా సీఎం జగన్పై రాయితో దాడిచేసిన కేసులో ఒక నిందితుడిని పోలీసులు అరెస్టు చూపించారు. -
మర్రి చెట్టు తొర్రలో రూ.64 లక్షలు
ఏటీఎంలలో నగదు నింపే సీఎంఎస్ వాహనం నుంచి రూ.64 లక్షలు చోరీ చేసిన ఓ వ్యక్తి వాటిని మర్రి చెట్టు తొర్రలో దాచిపెట్టిన ఘటన ప్రకాశం జిల్లా ఒంగోలులో చోటుచేసుకుంది. -
డిప్యూటీ మేయర్ కారు షెడ్లో మద్యం
ఎన్నికల నామినేషన్ మొదటి రోజే వైకాపా నేతకు చెందిన స్థలంలో అక్రమంగా ఉంచిన 170 కేసుల మద్యం పట్టుబడింది. -
వేటగాళ్ల ఉచ్చుకు ఏనుగు బలి
వన్యప్రాణుల కోసం వేటగాళ్లు అమర్చిన విద్యుత్ ఉచ్చు తగిలి ఓ ఏనుగు మృతి చెందింది. చిత్తూరు జిల్లా గంగవరం మండలం బూడిదపల్లె శివారులో గురువారం తెల్లవారుజామున ఈ సంఘటన చోటుచేసుకుంది. -
అనిశాకు చిక్కిన అయిదుగురు ఉద్యోగులు
భద్రాద్రి కొత్తగూడెం జిల్లాలో గురువారం రెండు వేర్వేరు ఘటనల్లో అయిదుగురు అధికారులు లంచం తీసుకుంటూ అనిశాకు పట్టుబడ్డారు. -
బాలుడి మృతదేహాన్ని పాతిపెట్టి.. బతికున్నట్లు తల్లిని నమ్మించి..!
నాటు వైద్యం వికటించి ఓ బాలుడు మూడున్నరేళ్ల క్రితమే మృతిచెందగా.. విషయం బయటకు పొక్కనీయకుండా, అతను బతికే ఉన్నట్లు ఆ బాలుడి తల్లిని నమ్మిస్తూ ఆమె భర్త, నాటు వైద్యుడు కలిసి వేధించిన ఉదంతమిది. -
కాలేజీ క్యాంపస్లో ఘోరం.. కార్పొరేటర్ కుమార్తె దారుణ హత్య
కాంగ్రెస్ పార్టీకి చెందిన కార్పొరేటర్ కుమార్తెపై ఓ యువకుడు కత్తితో దాడి చేశాడు. ఈ ఘటనలో ఆమె ప్రాణాలు కోల్పోయింది.
తాజా వార్తలు (Latest News)
-
మీ ప్రాంతంలో బ్రాడ్బ్యాండ్ సేవలందించే సంస్థలేవో ఎలా తెలుసుకోవాలి?
-
మహబూబ్నగర్ ఎంపీ అభ్యర్థిగా వంశీచంద్రెడ్డి నామినేషన్.. ర్యాలీలో పాల్గొన్న సీఎం రేవంత్
-
త్వరలో ఫీల్డింగ్కు వస్తా.. 40 ఓవర్లూ మైదానంలో ఉంటా: సూర్య
-
వైకాపా అడ్డుపడుతోంది.. మీ ఇళ్ల వద్దకు రాలేకపోతే మన్నించండి: సునీత
-
ఈనాడు.నెట్లో టాప్ 10 వార్తలు @ 1 PM
-
దుబాయ్ నుంచి ఆలస్యంగా పునియా, సుజీత్.. ఒలింపిక్ క్వాలిఫయర్స్ మిస్