రూ.2 వేల నోట్లు తరలిస్తున్న మావోయిస్టు కొరియర్ల అరెస్టు

దుమ్ముగూడెం, న్యూస్‌టుడే: ఛత్తీస్‌గఢ్‌ రాష్ట్రం బీజాపూర్‌ జిల్లాలో ఇద్దరు మావోయిస్టు కొరియర్లను పోలీసులు అరెస్టు చేశారు. బీజాపూర్‌ జిల్లా సరిహద్దుల్లో శనివారం ఉదయం వాహనాలను తనిఖీ చేస్తుండగా ఇద్దరు ద్విచక్రవాహనంపై అనుమానాస్పదంగా కనిపించారు. వీరిని తనిఖీ చేసి.. సుమారు రూ.6 లక్షల నగదు (రూ.2 వేల నోట్లు) స్వాధీనం చేసుకున్నారు. మావోయిస్టు కమాండర్‌ మల్లేశ్‌ ఆదేశాల మేరకు దాదాపు రూ.8 లక్షలను పలువురు నమ్మకమైన వ్యక్తుల పేరిట.. వివిధ బ్యాంకుల్లో జమ చేసేందుకు వీరు తెచ్చారని గుర్తించారు. అందులో రూ.1.86 లక్షలను వివిధ బ్యాంకుల్లో జమచేసినట్లు గుర్తించారు. మిగిలిన సొమ్ము, ద్విచక్రవాహనాన్ని, బ్యాంకు పాస్‌బుక్‌లను స్వాధీనం చేసుకుని ఇద్దరు కొరియర్లను పోలీసులు అరెస్టు చేశారు.