ప్రశ్నపత్రాల కేసులో డీఈఈ రమేష్‌కు ఆరు రోజుల కస్టడీ

ఈనాడు, హైదరాబాద్‌: టీఎస్‌పీఎస్సీ ప్రశ్నపత్రాల లీకేజీ కేసులో ఇటీవల అరెస్టయిన డీఈఈ రమేష్‌ను 6 రోజుల పోలీసు కస్టడీకి న్యాయస్థానం శనివారం అనుమతి ఇచ్చింది. నగర సిట్‌ పోలీసులు ఆదివారం ఆయనను అదుపులోకి తీసుకొని వాంగ్మూలం సేకరించనున్నారు. ప్రధాన నిందితుడు ప్రవీణ్‌ నుంచి సురేష్‌ ఏఈ పరీక్ష ప్రశ్నపత్రాలు తీసుకున్నాడు. వాటిని డీఈఈ రమేష్‌ ద్వారా 30 మందికిపైగా విక్రయించి వాటాలు పంచుకున్నారు. రమేష్‌ గతంలో హైటెక్‌ మాస్‌ కాపీయింగ్‌తో ఏఈఈ, డీఏవో పరీక్ష రాసిన ఏడుగురు అభ్యర్థులకు సహకరించినట్లు నగర సిట్‌ పోలీసుల దర్యాప్తులో నిర్ధారణ కావటంతో అరెస్టు చేసి రిమాండ్‌కు తరలించారు.