Viveka Murder Case: తప్పుడు సాక్ష్యం ఇవ్వాలని బెదిరిస్తున్నారు
వివేకా హత్య కేసులో తప్పుడు సాక్ష్యం చెప్పాలని తనను కొందరు బెదిరిస్తున్నారని అనంతపురం జిల్లా యాడికికి చెందిన కల్లూరు గంగాధర్రెడ్డి జిల్లా ఎస్పీ ఫక్కీరప్పకు సోమవారం
వివేకా హత్య కేసులో అనంత ఎస్పీకి కల్లూరు గంగాధర్రెడ్డి ఫిర్యాదు
అనంత నేరవార్తలు, న్యూస్టుడే: వివేకా హత్య కేసులో తప్పుడు సాక్ష్యం చెప్పాలని తనను కొందరు బెదిరిస్తున్నారని అనంతపురం జిల్లా యాడికికి చెందిన కల్లూరు గంగాధర్రెడ్డి జిల్లా ఎస్పీ ఫక్కీరప్పకు సోమవారం రాతపూర్వకంగా ఫిర్యాదు చేశారు. ‘గతంలో సిట్లో పనిచేసిన సీఐ శ్రీరామ్, సీబీఐ అదనపు ఎస్పీ రామ్సింగ్ చిత్రహింసలు పెడుతున్నారు. శంకర్రెడ్డి ఈ హత్యకు నన్ను ఉసిగొల్పినట్లు.. తప్పుడు సాక్ష్యం చెప్పాలని తీవ్ర ఒత్తిడి తెస్తున్నారు. నాకు ప్రాణహాని ఉందని.. రక్షణ కల్పించాలని’ ఆయన ఆ ఫిర్యాదులో ఎస్పీకి విన్నవించారు. ‘ఈ కేసులో నాడు సిట్లో విధులు నిర్వహించిన సీఐ శ్రీరామ్ (ప్రస్తుతం మడకశిర గ్రామీణం) నన్ను విచారణకు పిలిపించారు. హత్య చేయాలని నన్ను శంకర్రెడ్డి సంప్రదించాడని, అందుకు రూ.10కోట్లు ఇస్తానని ఒప్పందం చేసుకున్నట్లు వాంగ్మూలం ఇవ్వాలన్నారు. అలాగే సీబీఐ అదనపు ఎస్పీ రామ్సింగ్ అక్టోబర్ 2, 3వ తేదీల్లో నాకు వాట్సప్ కాల్ చేసి ఇదే విషయమై శంకర్రెడ్డి సంప్రదించినట్లు చెప్పాలన్నారని.....’ పేర్కొన్నారు. ‘ఈ నెల 30న (మంగళవారం) సీబీఐ కోర్టులో 164 స్టేట్మెంట్ రికార్డు చేయాలని.. ఆ సమయంలో జడ్జి అడిగే ప్రశ్నలకు సమాధానాలు ఏం చెప్పాలో.. పేపరులో తెలుగులో రాసి ఇచ్చారు. ఆ రోజు నుంచి గుర్తుతెలియని నెంబర్ల నుంచి ఫోన్లు చేస్తూ.. మేము చెప్పినట్లు సీబీఐ కోర్టులో సాక్ష్యం చెప్పాలని వేధిస్తున్నారు. నన్ను, నా కుటుంబాన్ని సీఐ శ్రీరామ్, సీబీఐ అధికారుల నుంచి కాపాడండి...’ అని ఎస్పీని ఆ ఫిర్యాదులో కల్లూరు గంగాధర్రెడ్డి కోరారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
జాతీయ నాయకత్వం కితాబు మనకు గర్వకారణం: రేవంత్రెడ్డి
-
బెంగళూరు కేఫ్ పేలుడు.. నిందితుల ఆచూకీ చెబితే రూ.20లక్షల రివార్డు
-
ప్రభుత్వం మారినప్పుడు కఠిన చర్యలు తీసుకుంటాం: రాహుల్ గాంధీ
-
ఫోన్ట్యాపింగ్ కేసు.. రాధాకిషన్రావుకు 14 రోజుల రిమాండ్
-
అనన్య-ఆదిత్య ఫొటోషూట్.. అల్లు అర్జున్-స్నేహారెడ్డి స్పెషల్ మూమెంట్
-
తెలంగాణలో పెరుగుతోన్న ఉష్ణోగ్రతలు.. ఏప్రిల్ ఒకటి నుంచి వడగాల్పులు