Published : 08/12/2021 04:59 IST

అనుమానాస్పద స్థితిలో రిమాండ్‌ ఖైదీ మృతి

పోలీసులే కొట్టి చంపారని కుటుంబ సభ్యుల ఆరోపణ

భానుచందర్‌

విజయవాడ వైద్యం, న్యూస్‌టుడే: రిమాండ్‌ ఖైదీ అనుమానాస్పద స్థితిలో మృతి చెందిన ఘటన మంగళవారం విజయవాడలో చోటుచేసుకుంది. పోలీసులే తన భర్తను కొట్టి చంపారని అతడి భార్య, కుటుంబ సభ్యులు ఆరోపిస్తున్నారు. విజయవాడ పాతబస్తీ చిట్టినగర్‌ ప్రాంతానికి చెందిన భానుచందర్‌ (35) ట్రావెల్స్‌ వ్యాపారం చేస్తున్నారు. ఆయన కారులో వస్తుండగా ఆదివారం సాయంత్రం ఎ.కొండూరులో తెలంగాణ మద్యంతో పోలీసులకు పట్టుబడ్డారు. భానుచందర్‌ను అరెస్టు చేసి.. రిమాండ్‌ విధించి నూజివీడు సబ్‌జైలుకు తరలించారు. మంగళవారం ఆయన అనారోగ్యానికి గురయ్యారని, పోలీసులు నూజివీడు ఆసుపత్రికి తీసుకెళ్లారు. పరిస్థితి విషమంగా ఉందని, విజయవాడ జీజీహెచ్‌కు తరలించాలని అక్కడి వైద్యులు సూచించారు. అతడిని జీజీహెచ్‌కు మంగళవారం మధ్యాహ్నం 2:30కు తీసుకొచ్చారు. అప్పటికే మృతి చెందాడని వైద్యులు నిర్ధారించారు. భానుచందర్‌కు మధుమేహం ఉందని, జైల్లో మాత్రలు ఇచ్చామని పోలీసులు తెలిపారు. ఒక్కసారిగా వాంతులు, విరోచనాలు అయ్యాయని, విజయవాడకు తీసుకువస్తుండగా మార్గమధ్యంలో మృతి చెందారని పేర్కొన్నారు. ఈ విషయం తెలుసుకున్న భానుచందర్‌ భార్య కల్యాణి, కుటుంబ సభ్యులు జీజీహెచ్‌కు వచ్చారు. తన భర్తకు అనారోగ్యం ఏమీ లేదని, పోలీసులు తీవ్రంగా కొట్టడంతోనే మృతి చెందారని వారు ఆరోపిస్తున్నారు. తమకు న్యాయం జరిగే వరకు ఇక్కడి నుంచి కదిలేది లేదని భీష్మించారు. భానుచందర్‌ అధికార వైకాపాకు మద్దతుదారు కావడంతో నగరానికి చెందిన పలువురు కార్పొరేటర్లు జీజీహెచ్‌కు వచ్చారు. ఇది పోలీసుల హత్యేనని, పోస్టుమార్టం నిర్వహించడానికి వీళ్లేదని అడ్డుకున్నారు. అంతకుముందు మృతదేహాన్ని స్వాధీనం చేసే విషయంలో పోలీసులు, మృతుడి బంధువుల మధ్య వాగ్వాదం చోటుచేసుకుంది. తాము సంతకం చేయబోమని బంధువులు స్పష్టం చేశారు. దీంతో డ్యూటీ ఉన్న కానిస్టేబుల్‌తో సంతకం చేయించుకుని మృతదేహాన్ని జీజీహెచ్‌ మార్చురీలో సిబ్బంది భద్రపరిచారు.  

Read latest Crime News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని