సీఐ బారి నుంచి కాపాడండి.. సీఎంకు వైకాపా మహిళా కౌన్సిలర్ విన్నపం
వ్యాపారాన్ని దెబ్బతీసి, బెదిరింపులకు పాల్పడుతున్న సీఐ నుంచి తమను కాపాడాలని ముఖ్యమంత్రికి విన్నవిస్తూ... ప్రకాశం జిల్లా చీరాల పట్టణానికి చెందిన వైకాపా మహిళా కౌన్సిలర్ వీడియో విడుదల చేయడం సోమవారం కలకలం సృష్టించింది. చీరాల ఐదో వార్డు కౌన్సిలరు సూరగాని లక్ష్మి భర్త నరసింహారావుకు
చీరాల, న్యూస్టుడే: వ్యాపారాన్ని దెబ్బతీసి, బెదిరింపులకు పాల్పడుతున్న సీఐ నుంచి తమను కాపాడాలని ముఖ్యమంత్రికి విన్నవిస్తూ... ప్రకాశం జిల్లా చీరాల పట్టణానికి చెందిన వైకాపా మహిళా కౌన్సిలర్ వీడియో విడుదల చేయడం సోమవారం కలకలం సృష్టించింది. చీరాల ఐదో వార్డు కౌన్సిలర్ సూరగాని లక్ష్మి భర్త నరసింహారావుకు పట్టణంలో బార్ అండ్ రెస్టారెంటు ఉంది. డిసెంబరు 31న రాత్రి 11.20 గంటలకు ఒకటో పట్టణ సీఐ రాజమోహన్ సిబ్బందితో సహా రెస్టారెంటులోకి వచ్చి... తన భర్తను దుర్భాషలాడారని, ప్రాధేయపడినా వినకుండా దురుసుగా వ్యవహరించారని ఆమె ఆరోపించారు. సిబ్బందిని కొట్టడంతోపాటు తన భర్తను స్టేషన్కు తీసుకెళ్లి అసభ్య పదజాలంతో దూషించారని పేర్కొన్నారు. దీనిపై జిల్లా పోలీసు అధికారులకు ఫిర్యాదు చేశామన్న అక్కసుతో ఈనెల 8న రాత్రి మరోసారి రెస్టారెంటుకు వచ్చి... వ్యాపారం ఎలా చేస్తావో చూస్తానంటూ బెదిరించి, అక్కడ ఉన్న వారిని తరిమికొట్టారన్నారు. ఆయన బారి నుంచి తమ కుటుంబాన్ని కాపాడాలంటూ వీడియోలో ముఖ్యమంత్రికి విజ్ఞప్తి చేశారు. ఇప్పటికే స్థానిక వైకాపా నాయకులు వర్గాలుగా విడిపోయారు. ఇప్పుడు ఈ వీడియో మరింత అగ్గి రాజేసింది. ఈ విషయమై సీఐ రాజమోహన్ను వివరణ కోరగా... నూతన సంవత్సరం రోజున బార్లోంచి కేకలు వినపడటంతో తాను బయట ఉండి సిబ్బందిని లోపలకు పంపానని చెప్పారు. ఎవరిపైనా దాడి చేయలేదని, దూషించలేదని తెలిపారు. ఈ నెల 8న బార్లోకి వెళ్లలేదని... కావాలనే ఆరోపణలు చేస్తున్నారని పేర్కొన్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
ముంబయి ‘డీఆర్ఎస్ సిగ్నల్’పై ట్రోలింగ్.. టామ్ మూడీ ట్వీట్ వైరల్!
-
రాష్ట్రాన్ని జగన్ అప్పుల కుప్పగా మార్చారు: చంద్రబాబు
-
ఆ దర్శకుడి మూఢనమ్మకం.. 42 రోజులపాటు ఒకే దుస్తులు: విద్యా బాలన్
-
‘ఉగ్రవాదులను’ పంపించే దేశం.. ‘పిండి’ కోసం పాట్లు పడుతోంది - మోదీ
-
బెంగాల్లో సీపీఐ(ఎం), కాంగ్రెస్ భాజపా కోసం పని చేస్తున్నాయి: మమతా బెనర్జీ
-
వైకాపా ప్రచార రథం ఢీకొని బాలుడి మృతి విషాదకరం: చంద్రబాబు