డివైడర్‌ను ఢీకొన్న కారు.. ఏడుగురి దుర్మరణం

కర్ణాటకలో ఘటన

దావణగెరె, న్యూస్‌టుడే: కర్ణాటకలోని దావణగెరె జిల్లా జగళూరు సమీప కాననకట్టె ప్రాంతంలో శుక్రవారం తెల్లవారుజామున జరిగిన రోడ్డు ప్రమాదంలో ఏడుగురు యువకులు మరణించారు. బెంగళూరులోని ఓ ప్రైవేట్‌ విశ్వవిద్యాలయంలో పనిచేసే వీరంతా కారులో వెళ్తుండగా డివైడర్‌ను ఢీకొనడంతో అక్కడికక్కడే ఆరుగురు మృతి చెందారు. ఆసుపత్రికి తరలిస్తుండగా మరొకరు ప్రాణాలు కోల్పోయినట్లు పోలీసులు తెలిపారు. మృతులను మల్లనగౌడ (20), సంతోష్‌ (21), జైభీమ్‌ (18), రఘు (23), సిద్ధేశ్‌ (20), వేదమూర్తి (19), ఆనంద్‌ (18)గా గుర్తించారు. మృతదేహాలను జగళూరు ఆసుపత్రిలోని శవాగారానికి తరలించారు. డ్రైవర్‌ నిద్రమత్తు కారణంగా ఈ ప్రమాదం చోటుచేసుకున్నట్లు పోలీసులు తెలిపారు.