అతివేగం తెచ్చిన అనర్థం:గోడపైకి ఎక్కి.. విద్యుత్తు స్తంభానికి వాలి..

అచ్యుతాపురం, న్యూస్‌టుడే: అతివేగంతో దూసుకెళ్లిన ఓ కారు విద్యుత్తు స్తంభం పై భాగాన్ని తాకింది. వాహన చోదకుడు నిద్రమత్తులో ఉండటంతో పాటు కారును వేగంగా నడపడంతో రోడ్డును ఆనుకుని ఉన్న రక్షణ గోడకు ఢీకొని  గోడకు... విద్యుత్తు స్తంభానికి మధ్య ఇరుక్కుపోయింది. విశాఖ జిల్లా వెంకటాపురం-రాంబిల్లి రోడ్డులోని మోటూరుపాలెంలో గురువారం తెల్లవారుజామున ఈ ప్రమాదం జరిగింది. కారులో ఒక్కరే వాహనంలో ఉండటం.. ప్రమాదం జరిగిన వెంటనే ఎయిర్‌బ్యాగులు తెరుచుకోవడంతో అతను స్వల్ప గాయాలతో బయటపడ్డారని స్థానికులు తెలిపారు. ఈ ప్రమాదంలో ఆవు మృతి చెందడంతో రూ.30 వేలు పరిహారం అందించినట్లు సమాచారం. దీనిపై ఫిర్యాదు అందలేదని అచ్యుతాపురం ఎస్సై ఉపేంద్ర తెలిపారు.