బహుళ అంతస్తుల భవనంలో అగ్ని కీలలు

ముంబయిలో ఆరుగురి మృతి 

ముంబయి: మహారాష్ట్ర రాజధాని ముంబయిలోని శనివారం ఉదయం 20 అంతస్తుల నివాస భవనంలో ఘోర అగ్నిప్రమాదం చోటు చేసుకుంది. ఈ ఘటనలో ఆరుగురు మృతి చెందారు. 23 మంది గాయాలతో నగరంలోని పలు ఆసుపత్రుల్లో చికిత్స పొందుతున్నారు. ఇందులో ముగ్గురి పరిస్థితి ఆందోళనకరంగా ఉంది. ఉదయం 7 గంటల సమయంలో తాడ్‌దేవ్‌ ప్రాంతంలోని సచినమ్‌ హైట్స్‌లోని 19వ అంతస్తులో మంటలు వ్యాపించాయి. నల్లటి దట్టమైన పొగలు అలుముకున్నాయి. విద్యుత్‌ సరఫరా నిలిచిపోయింది. ప్రాణభయంతో అపార్ట్‌మెంట్‌ వాసులు పరుగులు తీశారు. కొందరు మంటల్లో చిక్కుకున్నారు. వెంటనే అగ్నిమాపక సిబ్బంది రంగంలోకి దిగి సహాయక చర్యలు చేపట్టారు. పలువురిని రక్షించారు.