Crime News: కుమార్తెను చంపి... మృతదేహంపై అత్యాచారం

మధ్యప్రదేశ్‌ గునా జిల్లాలో అమానవీయ ఘటన చోటుచేసుకుంది. కన్న కుమార్తె(14)ను హత్య చేసిన ఓ తండ్రి అంతటితో ఆగక ఆమె మృతదేహంపై అత్యాచారానికి పాల్పడ్డాడు. బాలికను అడవిలోకి తీసుకెళ్లి ఈ దురాగతానికి ఒడిగట్టినట్లు పోలీసులు తెలిపారు. బాలికపై అఘాయిత్యం చేసిన ఆ వ్యక్తి.. ఆ తర్వాత ఏమీ ఎరగనట్లు తన కుమార్తె తప్పిపోయిందని పోలీస్‌స్టేషన్‌కు వెళ్లి ఫిర్యాదు చేశాడు. కేసు నమోదు చేసిన పోలీసులు.. బాలిక బంధువులను, ఇరుగుపొరుగు వారిని విచారించారు. బాలిక చివరగా తండ్రితోనే కనిపించిందని అందరూ చెప్పారు. పోలీసులకు అనుమానం వచ్చి నిందితుడ్ని తమదైన శైలిలో విచారించగా.. నిజం అంగీకరించాడు.