పడమటి కంభంపాడు సర్పంచిపై కేసు

ఆత్మకూరు, న్యూస్‌టుడే: శ్రీపొట్టి శ్రీరాములు నెల్లూరు జిల్లా అనంతసాగరం మండలం పడమటి కంభంపాడు సర్పంచి లావణ్యపై స్థానిక వాలంటీరు అనూష ఫిర్యాదు మేరకు సోమశిల పోలీసులు ఆదివారం కేసు నమోదు చేశారు. ఉపాధి హామీ అక్రమాలు ప్రశ్నించిన సర్పంచి లావణ్యపై స్థానిక వాలంటీరు దాడికి ప్రయత్నించిన సంఘటనలో సోమశిల పోలీసులు శనివారం కేసు నమోదు చేశారు. ఆదివారం వైకాపా నాయకులతో కలిసి పోలీసుస్టేషన్‌కు వెళ్లి వాలంటీరు అనూష.. సర్పంచి, మరో ఆరుగురిపై ఫిర్యాదు చేశారు. దళిత మహిళా సర్పంచిపై అక్రమ కేసు దారుణమని ఆత్మకూరు నియోజకవర్గ తెదేపా పరిశీలకుడు ఎస్‌.శ్రీనివాసరావు విలేకరుల సమావేశంలో ఆరోపించారు.