సిలిండర్‌ పేలి నలుగురి మృతి

శెట్టూరు, న్యూస్‌టుడే: సిలిండర్‌ నుంచి గ్యాస్‌ లీకై పేలుడు సంభవించడంతో నలుగురు మృతి చెందారు. అనంతపురం జిల్లా శెట్టూరు మండలం ములకలేడు గ్రామానికి చెందిన దాదు (35), ఆయన సోదరుడు రజాక్‌ పక్కపక్కనే నివాసముంటున్నారు. శుక్రవారం రాత్రి రజాక్‌ ఇంట్లో గ్యాస్‌ లీకై ఇల్లంతా ఆవరించింది. ఇది గమనించని రజాక్‌ శనివారం ఉదయం లేచి లైటు వేయగానే పెద్ద శబ్దంతో పేలుడు సంభవించింది. దాంతో రెండు ఇళ్లు కూలిపోయాయి. ఇంటిపైన పెట్టిన రాళ్లు మీద పడటంతో దాదు, అతని భార్య షర్ఫూన (30), కుమార్తె ఫిరదోస్‌ (6), తల్లి జైనూభి (60) ప్రాణాలు కోల్పోయారు. రజాక్‌, ఆయన కుమారుడు అబ్దుల్‌ రషీద్‌ తీవ్రంగా గాయపడ్డారు.