వృద్ధ దంపతుల బలవన్మరణం

కారంచేడు, న్యూస్‌టుడే: అప్పుల బాధ వృద్ధ దంపతుల ప్రాణాలను బలిగొంది. బాపట్ల జిల్లా కారంచేడు మండలం స్వర్ణపాలేనికి చెందిన బి.సుబ్బారావు (70), శేషమ్మ (50) బుధవారం ఉదయం ఇంట్లో పురుగుమందు తాగారు. కుటుంబసభ్యులు గుర్తించేలోపు శేషమ్మ మరణించగా, సుబ్బారావు ఇంకొల్లు అసుపత్రికి తరలిస్తుండగా ప్రాణాలు కోల్పోయారు. వారికి ఇద్దరు కుమారులు. పెద్ద కుమారుడు విశాఖపట్నంలో చిన్న వ్యాపారం చేస్తున్నారు. చిన్నకుమారుడు తల్లిదండ్రులతో కలిసి వ్యవసాయం చేస్తుంటారు. తమకున్న రెండెకరాలతో పాటు మరికొంత పొలం కౌలుకు తీసుకొని సాగు చేస్తుంటారు.మూడేళ్లుగా నష్టాలే వస్తున్నాయి. దీంతో తమకున్న రెండెకరాల భూమిని అమ్మి, కొంత అప్పులు తీర్చారు. 8 ఎకరాలు కౌలుకు తీసుకొని గత సంవత్సరం వేసిన మిర్చి పంట దెబ్బతిని అప్పు మరింత పెరిగింది. రూ.20 లక్షలకు పైగా అప్పు ఉండటంతో మనస్తాపానికి గురైన ఆ దంపతులు బలవన్మరణానికి పాల్పడ్డారు.