బిడ్డలను నీటిలోకి తోసి.. తల్లి బలవన్మరణం

ఎర్రగుంట్ల, న్యూస్‌టుడే: భర్త వేధింపులకు తాళలేక ఇద్దరు బిడ్డలు సహా ఓ తల్లి ఆత్మహత్యకు పాల్పడ్డారు. ఈ విషాదకర ఘటన వైయస్‌ఆర్‌ జిల్లా ఎర్రగుంట్లలో చోటుచేసుకుంది. వీరపునాయునిపల్లి మండలంలోని సి.రాజుపాలెం గ్రామానికి చెందిన లక్ష్మీదేవి(30)కి... దువ్వూరు మండలం పుల్లారెడ్డినగర్‌కు చెందిన శ్రీనుతో పదేళ్ల కిందట వివాహమైంది. వీరు ఐదేళ్ల నుంచి ఎర్రగుంట్లలోని మహేశ్వరనగర్‌లో కాపురం ఉంటున్నారు. చెడు వ్యసనాలకు లోనై, వేధింపులకు గురి చేస్తున్న భర్తలో మార్పు రాకపోవడంతో లక్ష్మీదేవికి జీవితంపై విరక్తి కలిగింది. కుమార్తె అక్షయ(9), కుమారుడు రేవంత్‌(7)లను సోమవారం ఉదయం నాపరాళ్ల గనుల్లోని నీటిలోకి తోసి తానూ దూకి లక్ష్మీదేవి ఆత్మహత్యకు పాల్పడ్డారు.