ప్రగతిభవన్‌ వద్ద ఉద్యమకారుడి ఆత్మహత్యాయత్నం

తెలంగాణ సాధన ఉద్యమంలో పాల్గొని రెండు కాళ్లు, ఒక చేయి పోగొట్టుకున్నా.. ప్రభుత్వం సాయం అందించలేదనే మనస్తాపంతో ఓ ఉద్యమకారుడు హైదరాబాద్‌ ప్రగతిభవన్‌ వద్ద

Published : 12 Aug 2022 05:24 IST

పంజాగుట్ట, న్యూస్‌టుడే: తెలంగాణ సాధన ఉద్యమంలో పాల్గొని రెండు కాళ్లు, ఒక చేయి పోగొట్టుకున్నా.. ప్రభుత్వం సాయం అందించలేదనే మనస్తాపంతో ఓ ఉద్యమకారుడు హైదరాబాద్‌ ప్రగతిభవన్‌ వద్ద ఆత్మహత్యాయత్నానికి పాల్పడ్డారు. సూర్యాపేట మండలం రాయినిగూడెం గ్రామానికి చెందిన పిడమర్తి నాగరాజు గురువారం సాయంత్రం ముఖ్యమంత్రికి తన సమస్యను వివరించడానికి ప్రగతిభవన్‌కు వచ్చారు. లోపలికి వెళ్లేందుకు భద్రతా సిబ్బంది అనుమతించలేదు. దీంతో ఒంటిపై పెట్రోలు పోసుకుని ఆత్మహత్యాయత్నానికి పాల్పడ్డారు. అప్రమత్తమైన పోలీసులు ఆయన్ను అదుపులోకి తీసుకుని పంజాగుట్ట పోలీసులకు అప్పగించారు. అంతకుముందు ప్రగతిభవన్‌ వద్ద నాగరాజు మాట్లాడారు. తెలంగాణ ఉద్యమంలో భాగంగా 2011లో మిర్యాలగూడలో జరిగిన రైల్‌రోకోలో పాల్గొన్న తాను తీవ్రంగా గాయపడటంతోపాటు రెండు కాళ్లు, ఒక చేయి కోల్పోయానని తెలిపారు. ఫలితంగా ఉపాధి లేక ఇబ్బందులు ఎదుర్కొంటున్నానని, అయినా ప్రభుత్వం నుంచి ఇంతవరకు ఎలాంటి సాయం అందలేదని వాపోయారు.

Read latest Crime News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని