కన్నపేగు గాయపడిందని.. తండ్రి గుండె చెదిరింది!

సాలూరు, న్యూస్‌టుడే: గోడ కూలిన ప్రమాదంలో కుమారుడికి గాయాలయ్యాయని తెలియడంతో హతాశుడైన తండ్రి హఠాన్మరణం చెందారు. పార్వతీపురం మన్యం జిల్లా సాలూరు పట్టణంలోని పెదమార్కెట్‌లో ఉన్న శిథిల గోదాము గోడ మంగళవారం ఉదయం కుప్పకూలింది. ఆ సమయంలో అక్కడే టీ తాగుతున్న ఇజ్జాడ వెంకటరావు, జాను అప్పలస్వామినాయుడు, పూడి గోపి తీవ్రంగా గాయపడ్డారు. గోపికి గాయాలై ఆసుపత్రిలో చేరినట్లు ఆయన తండ్రి అప్పలనాయుడు(72)కు స్థానికులు సమాచారం అందించారు. ఇంటికి పెద్ద దిక్కుగా ఉన్న కుమారుడికి ఏమైందోనని రోదిస్తూ.. అప్పలనాయుడు ఇంట్లోనే ప్రాణాలొదినట్లు కుటుంబసభ్యులు తెలిపారు.