Published : 18 Aug 2022 05:11 IST

చిన్నారుల స్కూల్‌ బస్సుపై దుండగుల దాడి

సుమారు 30 మంది స్కూల్‌ పిల్లలు ప్రయాణిస్తున్న బస్సుపై కొందరు దుండగులు దాడి చేశారు. బైక్‌పై కత్తులతో వెంబడిస్తూ బస్సు డ్రైవర్‌పై దాడి చేశారు. అతడికి స్వల్ప గాయాలు కాగా బస్సు పాక్షికంగా ధ్వంసమైంది. ఈ హఠాత్పరిణామంతో చిన్నారులు భయకంపితులయ్యారు. డ్రైవర్‌ చాకచక్యంగా వ్యవహరించి బస్సును వెంటనే సమీపంలోని పోలీస్‌ స్టేషన్‌కు తీసుకెళ్లాడు. దీంతో పెను ప్రమాదం తప్పింది. పంజాబ్‌ బర్నాలాలో ఈ ఘటన చోటుచేసుకుంది. కొద్ది రోజుల క్రితం కొందరు వ్యక్తులు తనతో గొడవ పడ్డారని.. అందుకు ప్రతీకారంతోనే ఈ చర్యకు పాల్పడ్డారని బస్సు డ్రైవర్‌ చెప్పాడు. బస్సును ఆపాలంటూ నిందితులు వెంటపడ్డారని.. పదునైన కత్తులతో తనపై దాడి చేశారని బాధితుడు తెలిపాడు. దీనిపై కేసు నమోదు చేసిన పోలీసులు దర్యాప్తు చేపట్టారు. పిల్లలను సురక్షితంగా వారి ఇళ్లకు పంపించారు. నిందితులను గుర్తించామని.. వారిలో ఒకరిని ఇప్పటికే అదుపులోకి తీసుకున్నామని పోలీసులు చెప్పారు.

Read latest Crime News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts