ప్రిన్సిపాల్‌పై ఇంటర్‌ విద్యార్థి కాల్పులు

ఉత్తర్‌ప్రదేశ్‌లోని సీతాపుర్‌లో దారుణం జరిగింది. మందలించాడన్న కోపంతో కళాశాల ప్రిన్సిపాల్‌పై ఓ విద్యార్థి కాల్పులు జరిపాడు. ఈ ఘటన జహంగీరాబాద్‌లోని సదర్‌పుర్‌ పోలీస్‌స్టేషన్‌ పరిధిలో

Published : 25 Sep 2022 04:51 IST

సీతాపుర్‌: ఉత్తర్‌ప్రదేశ్‌లోని సీతాపుర్‌లో దారుణం జరిగింది. మందలించాడన్న కోపంతో కళాశాల ప్రిన్సిపాల్‌పై ఓ విద్యార్థి కాల్పులు జరిపాడు. ఈ ఘటన జహంగీరాబాద్‌లోని సదర్‌పుర్‌ పోలీస్‌స్టేషన్‌ పరిధిలో చోటుచేసుకుంది. ఆదర్శ్‌ రామ్‌స్వరూప్‌ విద్యాలయంలో 12వ తరగతి చదువుతున్న విద్యార్థుల మధ్య శుక్రవారం గొడవ జరిగింది. అందులో ఓ విద్యార్థి మరో విద్యార్థిపై దాడి చేశాడు. ఈ విషయం కళాశాల ప్రిన్సిపాల్‌ రామ్‌ సింగ్‌ వర్మ దృష్టికి వెళ్లింది. దీంతో ఆయన ఓ విద్యార్థిని పిలిచి మందలించాడు. ఈ క్రమంలో కోపం పెంచుకున్న అతను శనివారం.. కళాశాలకు తుపాకీ తెచ్చుకున్నాడు. అనంతరం ప్రిన్సిపాల్‌పై కాల్పులు జరిపాడు. రామ్‌సింగ్‌కు తల, కడుపు, నడుము భాగంలో బుల్లెట్‌ గాయాలయ్యాయి. ఘటనా స్థలికి చేరుకున్న పోలీసులు ప్రిన్సిపాల్‌ను లఖ్‌నవూ అసుపత్రికి తరలించారు. పరారీలో ఉన్న నిందితుడి కోసం గాలిస్తున్నట్లు సీతాపుర్‌ అదనపు ఎస్పీ ఎన్‌పీ సింగ్‌ తెలిపారు.

Read latest Crime News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts