దిల్లీలో బాలుడిపై సామూహిక వికృత అత్యాచారం

ప్రైవేటు భాగాల్లో రాడ్డుతో దాడి

దిల్లీ: దేశరాజధాని దిల్లీలో దారుణ ఘటన వెలుగులోకి వచ్చింది. పదేళ్ల బాలుడిపై సామూహిక అత్యాచారం జరిగింది. ఈ అసహజ లైంగిక దాడికి పాల్పడిన ముగ్గురూ మైనర్లే కావడం గమనార్హం. వీరు ఎంత వికృతంగా ప్రవర్తించారంటే చివరకు బాలుడి రహస్య భాగంలో రాడ్డును కూడా దూర్చారు. అనంతరం ఇటుకలు, రాడ్డులతో కొట్టి తీవ్రంగా హింసించారు. ఈ సంఘటన ఈ నెల 17న చోటు చేసుకుంది.బాధిత బాలుడు ఇంకా ఆస్పత్రిలో చావుబతుకుల మధ్య కొట్టుమిట్టాడుతున్నాడు. నిందితులంతా 10-12 సంవత్సరాల మధ్యవారేనని, ఇందులో ఇద్దరిని అదుపులోకి తీసుకొని జువైనల్‌ జస్టిస్‌ బోర్డు ముందు హాజరుపరిచామని పోలీసులు తెలిపారు. దీనిపై దిల్లీ మహిళా కమిషన్‌ ఛైర్‌పర్సన్‌ స్వాతి మాలీవాల్‌ ట్వీట్‌ చేస్తూ... దేశరాజధానిలో అమ్మాయిలకే కాదు, అబ్బాయిలకూ రక్షణ లేదా అంటూ ఆవేదన వ్యక్తం చేశారు.