మామ మర్మాంగాన్ని కోసేసింది!

భర్త మీద కోపంతో  ఓ మహిళ దుశ్చర్య

పశ్చిమబెంగాల్‌లోని మైనా జిల్లాలో పుట్టింటికి వెళ్లొద్దన్నారన్న కోపంతో ఓ మహిళ తన మామ మర్మాంగాలను కోసి పడేసింది. తూర్పు మేదినీపుర్‌ పోలీస్‌స్టేషన్‌ పరిధికి చెందిన శిఖా అనే మహిళను మాంసం కూరతో భోజనం చేసేందుకు రమ్మని ఆమె తండ్రి ఫోన్‌ చేశాడు. వెంటనే ఆమె తన భర్తకు కాల్‌ చేయగా.. అతడు వెళ్లవద్దని చెప్పాడు. తానే చికెన్‌ తెస్తానని.. ఇంట్లోనే వండుకుని తిందామని తెలిపాడు. దీంతో కోపంతో కాల్‌ కట్‌ చేసిన ఆ మహిళ తన అత్తామామలను తీవ్రంగా దూషించింది. అది కాస్తా వాగ్వాదానికి దారితీసింది. ఉద్రేకంతో ఊగిపోయిన శిఖా విచక్షణ కోల్పోయి తన మామ మర్మాంగాన్ని కత్తితో కోసిపడేసింది. అతడిని స్థానికులు ఆసుపత్రిలో చేర్పించి మహిళను బంధించారు. ఆమె విడిపించుకుని కన్నవారింటికి పారిపోయింది. నిందితురాల్ని అరెస్టు చేసిన పోలీసులు ఆమెను కోర్టులో హాజరుపరిచారు.