ఆ వికృత చేష్టలకు 12 ఏళ్ల పసిప్రాణం బలి

ఆసుపత్రిలో ప్రాణాలు విడిచిన ‘సామూహిక అత్యాచార’ బాధితుడు

దిల్లీ: దేశ రాజధాని దిల్లీలో గత నెలలో చోటుచేసుకున్న అత్యంత క్రూరమైన సామూహిక అత్యాచార ఘటనలో బాధితుడైన 12 ఏళ్ల బాలుడు కొన్ని రోజులుగా మృత్యువుతో పోరాడుతూ ప్రాణాలు కోల్పోయాడు. ఓ ఆసుపత్రిలో వెంటిలేటర్‌ మీద చికిత్స పొందుతున్న ఆ బాలుడు పరిస్థితి విషమించి శనివారం మృతి చెందాడు. గత నెల 17న బాలుడిపై 10-12 ఏళ్ల వయసున్న ముగ్గురు మైనర్లు అసహజ లైంగిక చర్యకు పాల్పడ్డారు. బాలుడి రహస్య భాగంలో రాడ్డును దూర్చి ఇటుకలతో కొట్టి తీవ్రంగా హింసించారు. ఈ వికృత చర్యల కారణంగా బాలుడు తీవ్ర అనారోగ్యానికి గురవడంతో ఆసుపత్రిలో చేర్చారు. బాధిత బాలుడి మరణంపై దిల్లీ మహిళా కమిషన్‌ అధ్యక్షురాలు స్వాతి మలివాల్‌ తీవ్ర దిగ్భ్రాంతి వ్యక్తం చేశారు. నిందితులను కఠినంగా శిక్షించాలని డిమాండ్‌ చేశారు.