Cheating: నిత్యపెళ్లికొడుకు.. 28 ఏళ్లకే 24 పెళ్లిళ్లు..!

పశ్చిమబెంగాల్‌: మూడు పదుల వయసు నిండకముందే నిత్య పెళ్లికొడుకు అవతారం ఎత్తాడో యువకుడు. రోజుకో కొత్త పేరుతో తిరుగుతూ యువతులను మభ్యపెట్టి పెళ్లిచేసుకునేవాడు. అప్పటికే 23 మందిని వివాహమాడి మోసగించిన అసబుల్‌ మొల్లా అనే వ్యక్తి పశ్చిమబెంగాల్‌లోని సాగర్‌దిగీ ప్రాంతానికి చెందిన ఓ మహిళను 24వ పెళ్లి చేసుకున్నాడు. అనంతరం ఇంట్లో నుంచి నగలు తీసుకుని పారిపోయాడు. ఈ మోసంపై బాధితురాలు సాగర్‌దిగీ పోలీసుస్టేషన్‌లో ఫిర్యాదు చేసింది. దీంతో నిత్య పెళ్లికొడుకు నిర్వాకం బయటపడింది. నిందితుడు పెళ్లయిన కొన్నాళ్లకు ఇంట్లోని నగలు, డబ్బులు తీసుకుని పరారయ్యేవాడు. 24వ భార్య మాత్రం ధైర్యంగా పోలీసులకు ఫిర్యాదు చేయడంతో అతణ్ని పోలీసులు అరెస్టుచేశారు.