విహారయాత్రలో విషాదం

అయిదుగురు విద్యార్థులు సహా 9 మంది మృతి

పాలక్కడ్‌: కేరళలో ఘోర రోడ్డు ప్రమాదం జరిగింది. విహారయాత్రకు వెళ్లిన విద్యార్థుల టూరిస్ట్‌ బస్సు.. కేరళ ఆర్టీసీ బస్సును ఢీకొట్టిన ఘటనలో అయిదుగురు విద్యార్థులు, ఓ టీచర్‌.. ముగ్గురు ప్రయాణికులు మరణించారు. పాలక్కడ్‌ జిల్లా వడక్కంచేరి వద్ద బుధవారం అర్ధరాత్రి దాటాక ఈ దారుణం చోటుచేసుకుంది. ఈ ప్రమాదంలో మొత్తం 40 మందికి గాయాలయ్యాయి. గాయపడిన వారిలో కొందరి పరిస్థితి విషమంగా ఉన్నట్లు సమాచారం. టూరిస్టు బస్సు 97 కి.మీ. వేగంతో ప్రయాణిస్తూ ఓ కారును దాటేందుకు ప్రయత్నించిన సమయంలో ఈ ప్రమాదం జరిగినట్లు ప్రత్యక్ష సాక్షులు తెలిపారు.