అప్పుల బాధతో రైతు ఆత్మహత్య

కాల్వశ్రీరాంపూర్‌, న్యూస్‌టుడే: పెద్దపల్లి జిల్లా కాల్వశ్రీరాంపూర్‌ మండలం అంకంపల్లి ఉపసర్పంచి, రైతు ఆకుల సదయ్య(38) ఆత్మహత్యకు పాల్పడ్డారు.  సదయ్య తన నాలుగెకరాల్లో వరి, పత్తి సాగు చేస్తూ కుటుంబాన్ని పోషిస్తున్నారు. సాగునీటి కోసం గతంలో రెండు బోరుబావులు, వ్యవసాయ బావిని తవ్వించినా నీళ్లు రాలేదు. వీటికోసం రూ.10 లక్షల వరకు అప్పులయ్యాయి. పంటలు పండక, అప్పులు తీర్చే దారి లేక  ఆందోళనకు గురవుతున్న ఆయన ఈ నెల 2న పురుగుల మందు తాగారు.  చికిత్స పొందుతూ బుధవారం మృతి చెందారు. సదయ్యకు భార్య, ఇద్దరు కుమారులు ఉన్నారు.