సాధువులపై గ్రామస్థుల మూకదాడి..

పిల్లల్ని ఎత్తుకెళ్లే ముఠాగా భావించడంతో దారుణం

పిల్లలను ఎత్తుకెళ్లేందుకు వచ్చారన్న అనుమానంతో భిక్షాటనకు వచ్చిన ముగ్గురు సాధువులపై గ్రామస్థులు దాడి చేశారు. దీంతో ఆ ముగ్గురూ తీవ్రంగా గాయపడ్డారు. ఈ ఘటన ఛత్తీస్‌గఢ్‌లోని భిలాయ్‌ చరోడా గ్రామంలో జరిగింది. ఓ సాధువు ఒక చిన్నారితో మాట్లాడుతుండగా.. ఓ వ్యక్తి పిల్లలను ఎత్తకెళ్తున్నారని కేకలు పెట్టారు. ఇది విన్న గ్రామస్థులు సాధువులను పిల్లల దొంగలుగా భావించి ఒక్కసారిగా వారిపై చేయి చేసుకోవడం, కర్రలతో కొట్టడం ప్రారంభించారు. సమాచారం అందుకున్న పోలీసులు అక్కడికి చేరుకుని గాయపడ్డ సాధువులను రక్షించి కేసు నమోదు చేసుకున్నారు. సాధువులను రాజస్థాన్‌లోని అల్వార్‌కు చెందినవారిగా గుర్తించారు. వారు ఇప్పటివరకు ఎలాంటి అనుమానాస్పద కార్యకలాపాలకు పాల్పడలేదని విచారణలో తేలిందని పోలీసులు చెప్పారు.