Ongole: వెంబడించి.. వాహనంతో ఢీకొట్టి.. ఒంగోలు శివార్లలో గ్యాంగ్రేప్
ఉపాధి నిమిత్తం నగరానికి వచ్చి, తిరిగి స్వగ్రామానికి వెళ్తున్న మహిళపై ఇద్దరు యువకులు సామూహిక అత్యాచారానికి పాల్పడ్డారు.
ఒంగోలు నేరవిభాగం, న్యూస్టుడే: ఉపాధి నిమిత్తం నగరానికి వచ్చి, తిరిగి స్వగ్రామానికి వెళ్తున్న మహిళపై ఇద్దరు యువకులు సామూహిక అత్యాచారానికి పాల్పడ్డారు. ఆలస్యంగా వెలుగుచూసిన ఈ ఘటన ప్రకాశం జిల్లా ఒంగోలు మండలం కొప్పోలు - గుత్తికొండవారిపాలెం గ్రామాల మధ్య మంగళవారం రాత్రి చోటుచేసుకుంది. ఒంగోలు తాలూకా పోలీసుల కథనం మేరకు.. ఓ వివాహిత రోజూ ఒంగోలుకు ద్విచక్రవాహనంపై వచ్చి కూరగాయలు అమ్ముకుని తిరిగి వెళ్తారు. మంగళవారం రాత్రి 10.30 సమయంలో ఆమె స్వగ్రామానికి వెళ్తుండగా.. మద్యం మత్తులో ఉన్న ఇద్దరు వ్యక్తులు ద్విచక్రవాహనంపై ఆమెను వెంబడించారు. నిర్మానుష్య ప్రాంతంలో ఆమె వాహనాన్ని ఢీకొట్టి, మహిళను పక్కనున్న పొదల్లోకి లాక్కెళ్లారు. ఆమె కేకలు వేస్తూ ప్రతిఘటించినా వదల్లేదు. అత్యాచారానికి పాల్పడిన దుండగులు.. ఆమెను అక్కడే వదిలేసి పరారయ్యారు. ఆలస్యమవుతున్నా ఆమె ఇంటికి రాకపోవడంతో ఆందోళన చెందిన కుటుంబసభ్యులు ఆమెను వెతుక్కుంటూ వచ్చారు. దారిలో తారసపడిన ఆమె.. తనపై ఇద్దరు యువకులు దాడిచేసి అత్యాచారానికి పాల్పడినట్టు చెప్పారు. నిందితుల కోసం బంధువులు గాలిస్తుండగా కొత్తపట్నం రోడ్డులోని ఒక పెట్రోల్బంకు సమీపంలో కనిపించారు. పట్టుకునేలోపే అక్కడి నుంచి పరారయ్యారు. దీనిపై బాధితురాలు బుధవారం రాత్రి పోలీసులకు ఫిర్యాదుచేశారు. ఒంగోలు డీఎస్పీ యు.నాగరాజు, తాలూకా సీఐ వి.శ్రీనివాసరెడ్డి బాధితురాలిని విచారించి వివరాలు సేకరించారు. సంఘటన స్థలానికి గురువారం చేరుకుని పరిశీలించారు. బాధితురాలిని వైద్యపరీక్షల నిమిత్తం ఒంగోలు జీజీహెచ్కు తరలించారు. కొప్పోలు గ్రామ సమీపంలోని చేపల చెరువుల వద్ద కాపలాదారులుగా ఉంటున్న ఇద్దరు యువకులు ఈ అఘాయిత్యానికి పాల్పడినట్టు గుర్తించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
విజయ్తో సినిమా కష్టమే..: వెట్రిమారన్
-
ఆ ఇద్దరికి నో ప్లేస్.. వన్డౌన్ బ్యాటర్గా అతడే: ఇర్ఫాన్ పఠాన్
-
సంపద పంచుతారంటూ మోదీ ఆరోపణలు.. రాహుల్ క్లారిటీ
-
ప్రమాదవశాత్తు పేలిన తుపాకీ.. సీఆర్పీఎఫ్ డీఎస్పీ మృతి
-
వారసత్వ ఆస్తుల్నీ వదలరట: పిట్రోడా వ్యాఖ్యలపై మోదీ విమర్శలు
-
జగన్పై రాయి దాడి కేసు.. నిందితుడి కస్టడీకి కోర్టు అనుమతి