Jagtial: జగిత్యాలలో నకిలీ సర్టిఫికెట్ల కలకలం!

జగిత్యాల, న్యూస్‌టుడే: జగిత్యాల జిల్లా కేంద్రంలో శుక్రవారం అర్ధరాత్రి దాటాక నకిలీ సర్టిఫికెట్ల వ్యవహారం కలకలం రేపింది. నకిలీ సర్టిఫికెట్లు జారీ చేస్తున్నాడన్న అభియోగంపై తీన్‌ఖని చౌరస్తాలోని స్టూడెంట్‌ ఎడ్యుకేషన్‌ అకాడమి నిర్వాహకుడు ఖలీల్‌ను సైబరాబాద్‌ టాస్క్‌ఫోర్స్‌ పోలీసులు అదుపులోకి తీసుకున్నారు. అతని సంస్థలో కంప్యూటర్‌, ఇతర రాష్ట్రాల్లోని విశ్వవిద్యాలయాలకు చెందిన వివిధ రకాల ధ్రువపత్రాలు, ఇప్పటివరకు వాటిని పొందిన వారి జాబితాను స్వాధీనం చేసుకున్నారు. టాస్క్‌ఫోర్స్‌ పోలీసులు తనిఖీలు చేస్తుండగా ఖలీల్‌ ఆందోళనకు దిగాడు.