Cyber Crime: మీ ఖాతాలో డబ్బు పడింది.. వెనక్కు పంపిస్తారా!: ఆ లింక్ క్లిక్ చేస్తే అంతే!
ఉద్యోగం, బంపర్డ్రా, బహుమతులు, పెట్టుబడులతో లాభాలంటూ వల విసిరే సైబర్ నేరగాళ్లు ఇలా కొత్త తరహా మోసానికి తెరలేపుతున్నారు.
సైబర్ నేరగాళ్ల కొత్త ఎత్తుగడ
వారు పంపిన లింక్ క్లిక్ చేయగానే బయటపడుతున్న అసలు స్వరూపం
ఈనాడు- హైదరాబాద్: హైదరాబాద్ మల్కాజిగిరికి చెందిన ఓ మహిళ బ్యాంకు ఖాతాలో ఇటీవల గుర్తు తెలియని వ్యక్తులు రూ.10 వేలు జమ చేశారు. అనంతరం ఓ వ్యక్తి ఫోన్ చేసి వేరొకరికి బదులు మీ బ్యాంకు ఖాతాలో డబ్బు జమ చేశానని.. తిరిగి పంపాలని కోరాడు. బ్యాంకుకు వెళ్లాల్సిన అవసరం లేకుండా ఓ లింకు ద్వారా నేరుగా పంపొచ్చని సందేశం పంపాడు. నమ్మిన మహిళ లింకు నొక్కినా డబ్బు పంపడం వీలుకాలేదు. కొన్ని గంటల తర్వాత ఆ వ్యక్తి ఫోన్ చేసి.. ‘మీ ఫొటోలు నా దగ్గర ఉన్నాయి. నేను అడిగినంత ఇవ్వకపోతే నగ్నంగా మారుస్తా’ అంటూ బెదిరించాడు. ఆ మహిళ పోలీసుల్ని ఆశ్రయించారు.
ఉద్యోగం, బంపర్డ్రా, బహుమతులు, పెట్టుబడులతో లాభాలంటూ వల విసిరే సైబర్ నేరగాళ్లు ఇలా కొత్త తరహా మోసానికి తెరలేపుతున్నారు. పొరపాటున మోసగాడు పంపిన లింకును క్లిక్ చేస్తే ఫోన్ గ్యాలరీలోని ఫొటోలు, వీడియోలన్నీ అతడికి చేరిపోతాయి. ఇక అక్కడి నుంచి ఆట మొదలవుతుంది. అడిగినంత ఇవ్వకపోతే.. ఫొటోలను మార్ఫింగ్ చేసి సామాజిక మాధ్యమాల్లో పోస్టు చేస్తామంటూ బెదిరింపులు ప్రారంభమవుతాయి.
స్థానిక భాషలతో మాట్లాడుతూ నమ్మించి..
డబ్బు చెల్లిస్తే డేటా ప్రొవైడర్ల ద్వారా లక్షలాది మంది వ్యక్తిగత డేటా ఇట్టే దొరుకుతోంది. అదే సైబర్ నేరగాళ్ల బలం. ముందుగా ఆయా వ్యక్తుల పేర్లు, ఫోన్ నంబర్లు, బ్యాంకు ఖాతా సహా పుట్టుపూర్వోత్తరాలన్నీ సేకరిస్తున్నారు. ఈ వివరాలతో స్థానిక భాషల్లో మాట్లాడుతూ వంచిస్తున్నారు. డబ్బు కోసం నేరగాళ్లు పంపించే నకిలీ లింకు క్లిక్ చేయగానే.. ఫోన్లోకి వైరస్ చొరబడుతుంది. గ్యాలరీ, కాంటాక్ట్ లిస్టు సహా డేటా మొత్తం నేరగాళ్ల చేతుల్లోకి వెళ్లిపోతున్నాయి. ఆ తర్వాత ఫొటోలు ఉన్నాయంటూ బెదిరింపులకు దిగుతున్నారు.
ఈ జాగ్రత్తలు తీసుకుంటే మేలు..!
* పొరపాటున మీ ఖాతాలో డబ్బు జమ అయ్యిందని.. తిరిగి ఇవ్వాలని గుర్తు తెలియని వ్యక్తులు పంపించే లింకుల్ని నమ్మకూడదు.
* ఏ బ్యాంకయినా వెబ్ లింకుల ద్వారా ఆర్థిక లావాదేవీలు నిర్వహించదు.
* మీ ఖాతాలో గుర్తు తెలియని వ్యక్తి పొరపాటున డబ్బు జమ చేస్తే.. తిరిగి ఇచ్చేందుకు బ్యాంకుకు వెళ్లి వారిచ్చిన ఖాతాలో జమ చేయాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
మోదీజీ.. ఆ చప్పట్లకు మోసపోకండి: ప్రధానికి ఖర్గే లేఖ
-
నా వ్యాఖ్యలను అపార్థం చేసుకోవడంతోనే సమస్య: అంబటి రాయుడు
-
‘రాంచీలో ఉన్నా.. రూ.600 కావాలి’.. ధోనీ పేరుతో మెసేజ్ వైరల్
-
బౌలర్ల విషయంలో రాజీ పడొద్దు.. అలా చేస్తే కష్టమే: నవ్జ్యోత్ సిద్ధూ
-
ఆ అవార్డు వేడుకలో అవమానించారు: విద్యా బాలన్
-
అలా చేస్తే ఆయుధాలు వీడతాం.. హమాస్ కీలక ప్రతిపాదన!