Crime News: చిన్నారిని చంపి రక్తం తాగిన మహిళ..

అయిదేళ్ల తర్వాత జీవితఖైదు విధించిన న్యాయస్థానం

అయిదేళ్ల క్రితం చిన్నారిని చంపి రక్తం తాగిన కేసులో ఓ మహిళకు న్యాయస్థానం జీవిత ఖైదు విధించింది. క్షుద్రపూజల పేరుతో ఓ మాంత్రికుడు చెప్పిన మాటలు నమ్మి ఈ దారుణానికి పాల్పడింది. ఉత్తర్‌ప్రదేశ్‌లోని షాజహాన్‌పుర్‌ జిల్లా రోజా పోలీస్‌స్టేషన్‌ పరిధిలోని జముకా గ్రామంలో ధన్‌దేవి అనే మహిళ పదేళ్ల బాలుడిని చంపి రక్తం తాగింది. 2017 డిసెంబరు 5న ఈ ఘటన జరిగింది.

తన పొరుగింట్లో ఉండే లాల్‌దాస్‌ అనే పదేళ్ల చిన్నారికి.. టీవీ చూపిస్తానని మాయమాటలు చెప్పి ఇంట్లో పెట్టి తాళం వేసింది. అనంతరం క్షుద్రపూజలు నిర్వహించి బాలుడి గొంతు కోసి హత్య చేసింది. ఆ తర్వాత చెంపను కోసి రక్తాన్ని తాగి.. మృతదేహాన్ని ఇంటి ముందు పడేసింది. ఈ హత్యతో సంబంధం ఉన్న ధన్‌దేవీతో పాటు మరో ఇద్దరిని పోలీసులు అరెస్ట్‌ చేశారు. తాజాగా వారందరికీ  జిల్లా కోర్టు జీవితఖైదు విధిస్తూ తీర్పునిచ్చింది.