రైతు దంపతుల ఆత్మహత్యాయత్నం.. భర్త మృతి

చొప్పదండి, న్యూస్‌టుడే: అప్పుల బాధ భరించలేక రైతు దంపతులు ఆత్మహత్యాయత్నం చేసుకున్నారు. వారిలో భర్త మృతి చెందారు. భార్య కోలుకున్నారు. కరీంనగర్‌ జిల్లా చొప్పదండి మండలం పెద్దకుర్మపల్లిలో ఈ సంఘటన చోటుచేసుకుంది.  గ్రామానికి చెందిన నంగి బీరయ్య (32) రూ.15 లక్షల వరకు అప్పులు చేసి ట్రాక్టర్‌, హార్వెస్టర్‌ కొనుగోలు చేశారు. పంట దిగుబడులు రాక, యంత్రాలపై నష్టాల నేపథ్యంలో ఈ నెల 24న పొలం వద్ద పురుగుమందు తాగారు. ఇది గమనించిన ఆయన భార్య సుజాత సైతం పురుగు మందు తాగారు. స్థానికులు వారిద్దరిని ఆసుపత్రిలో చేర్పించగా సుజాత కోలుకున్నారు. బీరయ్య హైదరాబాద్‌ ఆసుపత్రిలో చికిత్స పొందుతూ శుక్రవారం రాత్రి మృతి చెందారు.