అప్పుల బాధతో రైతు ఆత్మహత్య

రాయవరం (మాచర్ల గ్రామీణ), న్యూస్‌టుడే: సాగు కోసం చేసిన అప్పులు అధికమవడంతో ఓ రైతు ఆత్మహత్య చేసుకున్న ఘటన పల్నాడుజిల్లా మాచర్ల మండలం రాయవరంలో సోమవారం చోటుచేసుకుంది. పోలీసుల కథనం ప్రకారం... గ్రామానికి చెందిన జగడాల మల్లికార్జునరావు(35) తన మూడెకరాల సొంత పొలంతోపాటు ఎకరన్నర కౌలుకు తీసుకొని పంటసాగు కోసం అప్పులు చేశారు. ఈ క్రమంలో రూ.7లక్షల వరకు అప్పులున్నట్లు తెలిసింది. ఒత్తిడి తట్టుకోలేక ఇంటివద్ద పురుగుమందు తాగారు. కుటుంబ సభ్యులు హుటాహుటిన మాచర్ల ప్రభుత్వ ఆసుపత్రికి తరలించారు. అప్పటికే అతను మృతిచెందినట్లు వైద్యులు ధ్రువీకరించారు.