పగతో బాలికపై హత్యాచారం

ఓ వ్యక్తి కొట్టాడన్న పగతో అతని 9 ఏళ్ల కుమార్తెను అత్యాచారం చేసి హత్య చేశాడు 15 ఏళ్ల బాలుడు. మహారాష్ట్ర ఠాణేలో ఈ దారుణం జరిగింది. బాలిక తండ్రిపై పగ పెంచుకున్న బాలుడు ఈ ఘాతుకానికి పాల్పడ్డాడు. మొదట బాలికను తీవ్రంగా హింసించిన అనంతరం అత్యాచారం చేసి గొంతు కోసి హత్య చేశాడు. ‘‘గురువారం ఉదయం కళ్యాణ్‌ రైల్వే స్టేషన్‌ సమీపంలోని హౌసింగ్‌ కాంప్లెక్స్‌ వద్ద ఓ బాలిక మృతదేహం ఉందని సమాచారం అందింది. సీసీటీవీ ఫుటేజీ ఆధారంగా గంట వ్యవధిలోనే కేసును ఛేదించాం. నిందితుడిపై పోక్సో చట్టంతోపాటు, ఇతర సెక్షన్ల కింద కేసు నమోదు చేశాం’’ అని పోలీసులు తెలిపారు.