విద్యుదాఘాతానికి ఏనుగు మృతి

బంగారుపాళ్యం: చిత్తూరు జిల్లా బంగారుపాళ్యం మండలం మొగిలివారిపల్లె సమీప మామిడి తోటలో విద్యుదాఘాతంతో 20ఏళ్ల ఏనుగు మరణించింది. ఈ సంఘటన శుక్రవారం సాయంత్రం ఆలస్యంగా వెలుగుచూసింది. నాలుగు ఏనుగుల గుంపు నుంచి విడిపోయిన ఒంటరి ఏనుగు మేత కోసం టేకుమంద అటవీ ప్రాంతం మొగిలివారిపల్లె సమీపంలోని మామిడితోటపై గురువారం రాత్రి దాడి చేసింది. ఆపై టేకుమంద అటవీ ప్రాంతానికి వెళ్లే ప్రయత్నంలో తోటలో ఏర్పాటుచేసిన ట్రాన్స్‌ఫార్మర్‌ తగిలి విద్యుదాఘాతానికి గురై మరణించింది. దీన్ని శుక్రవారం సాయంత్రం గుర్తించి అటవీ అధికారులకు గ్రామస్థులకు సమాచారం ఇచ్చారు.