మహిళపై సామూహిక అత్యాచారం.. కత్తితో దాడి

ప్రైవేటు భాగాలపై సిగరెట్‌ వాతలు

మహారాష్ట్ర రాజధాని ముంబయిలో దారుణ సంఘటన చోటుచేసుకుంది. 42 ఏళ్ల మహిళ ఇంట్లోకి ప్రవేశించిన ముగ్గురు వ్యక్తులు ఆమెపై అత్యాచారానికి పాల్పడ్డారు. అనంతరం పదునైన ఆయుధంతో గాయపరచడంతోపాటు ప్రైవేటు భాగాలపై సిగరెట్‌తో వాతలు పెట్టారు. కుర్లా ప్రాంతంలో బుధవారం ఈ ఘటన చోటుచేసుకుందని పోలీసులు తెలిపారు. బాధితురాలు, నిందితులు అదే ప్రాంతానికి చెందినవారని చెప్పారు. ‘‘నిందితులు ఒకరి తర్వాత ఒకరు బాధితురాలిపై అత్యాచారానికి పాల్పడ్డారు. అనంతరం ఆమె ప్రైవేటు భాగాలపై సిగరెట్‌తో వాతలు పెట్టారు. ఆయుధంతో ఛాతీపైన, రెండు చేతులపైన గాయపరిచారు. ఈ తతంగాన్ని వీడియో తీశారు. పోలీసులకు ఫిర్యాదుచేస్తే వీడియోను బయటపెడతామని బెదిరించారు’’ అని వెల్లడించారు. తన దుస్థితిని బాధితురాలు ఇరుగుపొరుగు వారికి చెప్పుకొని బాధపడగా, కొందరు ఓ స్వచ్ఛంద సంస్థకు తెలియజేశారు. అనంతరం కుర్లా పోలీస్‌స్టేషన్‌లో కేసు నమోదైంది.