భార్యపై పైశాచికం..

ప్రైవేటు భాగాల్లో ప్లాస్టిక్‌ వస్తువు చొప్పించిన నిందితుడు

మద్యం మత్తులో తూలుతూ ఇంటికి వచ్చిన ఓ వ్యక్తి తన భార్యపై చేయి చేసుకోవడమే కాకుండా ఆమె ప్రైవేట్‌ భాగాల్లోకి ఓ ప్లాస్టిక్‌ వస్తువును చొప్పించాడు. మహారాష్ట్ర రాజధాని ముంబయిలో ఈ దారుణ సంఘటన చోటుచేసుకుంది. ములుంద్‌కు చెందిన ఓ వ్యక్తి ఆదివారం రాత్రి సుమారు 11 గంటల సమయంలో మద్యం తాగి ఇంటికి వచ్చాడు. మత్తులో తూలుతున్న భర్తకు సపర్యలు చేసేందుకు ముందుకు వచ్చిన భార్యను విచక్షణారహితంగా కొట్టిన ఆ వ్యక్తి ఆ తర్వాత ఆమెను అసహజ శృంగారంలో పాల్గొనమని బలవంతపెట్టాడు. ప్రతిఘటించడంతో ఆమె ప్రైవేట్‌ భాగాల్లోకి ఓ ప్లాస్టిక్‌ పైపు లాంటి వస్తువును చొప్పించాడు. నొప్పిని భరించలేక ఆ మహిళ ఆసుపత్రికి వెళ్లింది. వైద్యులు ఆరాతీయడంతో అసలు విషయం బయటపెట్టింది. బాధితురాలి ఫిర్యాదుతో రంగంలోకి దిగిన పోలీసులు నిందితుడిని రిమాండ్‌కు తరలించారు.