మంత్రి పేరిట వాట్సప్‌ సందేశాలు

ఈనాడు, హైదరాబాద్‌: సైబర్‌ నేరగాళ్లు ఏకంగా వ్యవసాయ శాఖ మంత్రి డీపీ పెట్టి డబ్బులు పంపాలంటూ మోసాలకు తెగబడుతున్నారు. మంత్రి నిరంజన్‌రెడ్డి ఫొటోను డీపీగా మార్చుకున్న మోసగాళ్లు 9353849489 నంబరు నుంచి వాట్సప్‌నకు సందేశాలు పంపిస్తున్నారు. ఈ విషయం తెలుసుకున్న మంత్రి నిరంజన్‌రెడ్డి స్పందించారు. డబ్బులు పంపాలంటూ తన పేరిట వచ్చే సందేశాలను ఎవరూ నమ్మవద్దని, ఆ నంబరుకు డబ్బులు పంపవద్దని ప్రజలు, ఉద్యోగులు, ప్రజాప్రతినిధులు, నాయకులు, కార్యకర్తలకు ఒక ప్రకటనలో సూచించారు. సైబర్‌ నేరగాళ్లపై చట్టపరంగా చర్యలు తీసుకుంటామని అన్నారు.