అంగన్‌వాడీ కార్యకర్త ఆకస్మిక మృతి

కోరుకొండ, న్యూస్‌టుడే: తూర్పుగోదావరి జిల్లా కోరుకొండ మండలం గాడాలలోని అంగన్‌వాడీ కేంద్రంలో సుబ్బలక్ష్మి(45) అనే కార్యకర్త గురువారం ఆకస్మికంగా మృతి చెందారు. విధి నిర్వహణలో ఒత్తిడికి గురైన ఆమె గుండెపోటుతో మృతి చెందినట్లు కుటుంబ సభ్యులు తెలిపారు. విధుల్లో భాగంగా గ్రామంలోని మూడో నంబరు అంగన్‌వాడీ కేంద్రానికి సుబ్బలక్ష్మి హాజరయ్యారు. ఈలోగా ఉన్నతాధికారులు వస్తున్నారని, రికార్డులు సిద్ధం చేసుకోవాలంటూ సమాచారం రావడంతో ఒకింత ఒత్తిడికి గురైనట్లు సమాచారం. ఆమెకు భర్త, కుమారుడు ఉన్నారు.