పరువు హత్య.. కూతురు వరసయ్యే యువతిని పెళ్లి చేసుకున్నాడని దారుణం!

రంగారెడ్డి: రంగారెడ్డి జిల్లాలో దారుణ ఘటన చోటుచేసుకుంది. కేశంపేట మండలం నిర్దవెల్లిలో పరువు హత్య జరిగింది. కరణ్‌ కుమార్‌ అనే యువకుడు ఓ యువతిని పెళ్లి చేసుకోగా ఆమె తండ్రి రంజిత్‌, బంధువులు కలిసి అతడిని కొట్టి చంపారు. కూతురు వరుస అయ్యే యువతిని పెళ్లి చేసుకోవడంపై ఆగ్రహంతో ఈ ఘాతుకానికి పాల్పడ్డారు. ఆ యువకుడికి ఆ కుటుంబంతో బంధుత్వం ఉండటం గమనార్హం. కుమార్తె వరుస అయ్యే యువతిని పెళ్లాడటంతో కరణ్‌ను చంపి పొలంలో పాతి పెట్టారు. ఈ ఘటనలో రంజిత్‌కు ఇద్దరు బాలురు సాయం చేసినట్టు సమాచారం. కరణ్‌ కుమార్‌ సోదరుడు పోలీసులకు ఫిర్యాదు చేయడంతో ఈ ఘటన వెలుగులోకి వచ్చింది. బిహార్‌ నుంచి వచ్చిన రంజిత్‌, కరణ్‌ కుటుంబాలు షాద్‌నగర్‌లో నివాసం ఉంటున్నాయి.