Maharashtra: దుకాణంలో మానవ మెదడు, కళ్లు, చెవులు

ముంబయి: మహారాష్ట్రలోని నాశిక్‌లో విస్తుపోయే ఘటన వెలుగులోకి వచ్చింది. ఓ దుకాణంలో ఉంచిన మానవ మెదడు, కళ్లు, చెవులు, ముఖంలోని మరికొన్ని అవయవాలను పోలీసులు స్వాధీనం చేసుకున్నారు. నాశిక్‌లోని నాకా ప్రాంతానికి చెందిన ఓ దుకాణం కొద్దిరోజులుగా మూసిఉంది. అయితే అందులోనుంచి దుర్వాసన రావడాన్ని చుట్టపక్కలవారు గమనించారు. ఈ విషయాన్ని పోలీసుల దృష్టికి తీసుకెళ్లగా.. దుకాణంలో రెండు ప్లాస్టిక్‌ కవర్లలో ఉన్న మావన అవయవాలను పోలీసులు స్వాధీనం చేసుకున్నారు. తదుపరి విచారణ కోసం ఫోరెన్సిక్ బృందం ఆ అవయవాలను కస్టడీకి తీసుకుంది.

ఈ అవయవాలు ఎక్కడి నుంచి వచ్చాయా అని పోలీసులు దర్యాప్తు చేపట్టారు. అయితే ఆ దుకాణ యజమాని ఇద్దరు కుమారులు వైద్యులేనని, పరీక్షల కోసం తీసుకొచ్చారా? అని అనుమానాలు వ్యక్తమవుతున్నాయి. కాగా ఈ అంశంపై పోలీసులు పలువురిని ప్రశ్నిస్తున్నారు. హత్య కోణంలోనూ విచారణ జరుపుతున్నారు.