Updated : 07/12/2021 12:47 IST

Maharashtra: తల్లిసాయంతో సోదరిని నరికి... సెల్ఫీలు దిగి..

ముంబయి: మహారాష్ట్రలోని ఔరంగాబాద్‌ జిల్లాలో పరువు హత్య చోటుచేసుకుంది. ప్రేమ వివాహం చేసుకుందన్న ఆగ్రహంతో ఓ యువతిని ఆమె మైనర్‌ సోదరుడే.. తల్లి సాయంతో నరికి చంపాడు. అంతటితో ఆగకుండా మొండెం నుంచి ఆమె తలను వేరు చేసి, ఇరుగుపొరుగువారికి ప్రదర్శించడం గమనార్హం. మృతురాలు ప్రస్తుతం గర్భిణి కావడం విషాదకరం.

చాయ్‌ చేస్తుండగా దాడి..

ఈ ఏడాది జూన్‌లో ఇంటి నుంచి వెళ్లిపోయిన యువతి(19).. భర్తతో కలిసి వైజాపుర్‌లోని అత్తింటి వద్ద ఉంటోంది. ఈ క్రమంలో గత వారం.. యువతి తల్లి ఆమె ఇంటికి వెళ్లి, పుట్టింటికి రమ్మని కోరింది. ఆదివారం కుమారుడితో కలిసి మరోసారి అక్కడికి వచ్చింది. వారి కోసం ఆమె వంటింట్లో చాయ్‌ చేస్తుండగా.. అంతలోనే సోదరుడు వెనుక నుంచి కొడవలితో ఒక్కసారిగా దాడి చేశాడు. తల్లి ఆమె కాళ్లు పట్టుకోగా.. అతను నరికి చంపాడు. అనంతరం తలను వేరు చేసి.. చుట్టుపక్కలున్న వారికి చూపెట్టేందుకు బయటకొచ్చాడు.

భర్తపైనా హత్యాయత్నం..

అప్పటికే అనారోగ్యంతో ఉన్న యువతి భర్త.. వేరే గదిలో నిద్రపోతున్నాడు. వంట గదిలో గిన్నెలు పడిపోతున్న శబ్దం విని, ఏం జరుగుతోందో చూసేందుకు వచ్చాడు. దీంతో ఆ బాలుడు అతనిపై కూడా దాడికి యత్నించాడు. కానీ, అతను త్రుటిలో తప్పించుకున్నాడు. అనంతరం నిందితుడు నేరుగా స్టేషన్‌కు వచ్చి లొంగిపోయినట్లు వీర్‌గాం పోలీసులు తెలిపారు. అంతకుముందు నరికిన తలతో బాలుడు, అతని తల్లి సెల్ఫీలు దిగినట్లుగా పోలీసులు విచారణలో గుర్తించారు!


Read latest Crime News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని