Fire Accident: దిల్లీలో భారీ అగ్నిప్రమాదం

దిల్లీ: దేశ రాజధాని దిల్లీలో భారీ అగ్నిప్రమాదం చోటు చేసుకుంది. పశ్చిమ దిల్లీ ప్రాంతంలోని ఉద్యోగ్‌ నగర్‌లో ఉన్న ఓ బూట్ల తయారీ కర్మాగారంలో సోమవారం ఉదయం భారీ స్థాయిలో అగ్నికీలలు ఎగిసిపడ్డాయి. సమాచారం అందుకున్న అగ్నిమాపక యంత్రాంగం వెంటనే అక్కడికి చేరుకొని సహాయక చర్యలు ప్రారంభించింది. దాదాపు 24 అగ్నిమాపక యంత్రాలు మంటల్ని ఆర్పేందుకు ప్రయత్నిస్తున్నాయి. ఇప్పటి వరకు ఎవరికీ ఎలాంటి ప్రమాదం సంభవించినట్లు సమాచారం లేదని అధికారులు తెలిపారు. అయితే, భారీ స్థాయిలో ఆస్తి నష్టం సంభవించి ఉంటుందని అంచనా వేస్తున్నారు. ప్రమాదానికి గల కారణాలు ఇంకా తెలియాల్సి ఉంది.