Crime News: టీతో పాటు టిఫిన్‌ పెట్టలేదని కోడలిపై కాల్పులు..

థానే: అదనపు కట్నం కోసమో లేదా మరేదైనా కారణంగానో కోడళ్లని వేధించడం చూస్తుంటాం. కానీ.. థానేలో సమయానికి అల్పాహారం పెట్టనందుకు తన కోడలిని కాల్చాడో వృద్ధుడు. పోలీసులు తెలిపిన వివరాల ప్రకారం.. థానేలో నివాసం ఉంటున్న కాశీనాథ్ పాండురంగ పాటిల్ (76) తన కోడలు టీతో పాటు అల్పాహారం అందించకపోవడంతో ఆగ్రహానికి గురయ్యాడు. తన వద్ద ఉన్న తుపాకీతో  ఆమెను కాల్చాడు.  కుటుంబసభ్యులు వెంటనే సమీపంలోని ఆసుపత్రికి తరలించారు. ప్రస్తుతం ఆమె చికిత్స పొందుతున్నారు. గురువారం ఈ ఘటన చోటుచేసుకోగా.. నిందితుడి మరో కోడలి ఫిర్యాదు ఆధారంగా పోలీసులు కేసు నమోదు చేసి దర్యాప్తు చేపట్టారు.