Anantapur: పసికందును చంపి.. ఉరేసుకొన్న తల్లి

గార్లదిన్నె: అనంతరపురం జిల్లా గార్లదిన్నె మండలం కల్లూరు గ్రామంలో దారుణం జరిగింది. ఓ మహిళ తన మూడు నెలల కుమార్తెను చంపి.. తానూ బలవన్మరణానికి పాల్పడింది. ముందుగా కుమార్తెకు ఉరివేసిన తల్లి.. అనంతరం తానూ ఉరి వేసుకుని ఆత్మహత్య చేసుకున్నట్లు పోలీసులు తెలిపారు. ఈ ఘటనపై కేసు నమోదు చేసి దర్యాప్తు ప్రారంభించినట్టు పేర్కొన్నారు. ఆమె ఈ దారుణానికి పాల్పడేందుకు కుటుంబ కలహాలు కారణమా?.. లేక భర్త ప్రమేయం ఏమైనా ఉందా?.. అనే కోణంలో పోలీసులు దర్యాప్తు చేస్తున్నారు.  మూడు నెలల పసికందుకు కన్నతల్లే ఉరి వేయడం.. స్థానికులను కలచివేసింది.