Updated : 18 May 2021 05:18 IST

కన్నబిడ్డలను హతమార్చిన తల్లి

తానూ ఆత్మహత్యాయత్నానికి పాల్పడిన వైనం

పొదిలి గ్రామీణం(ప్రకాశం): మనస్తాపంతో కన్నబిడ్డలను గొంతు కోసి ఆపై తానూ ఆత్మహత్యకు ప్రయత్నించిన దారుణ ఘటన ప్రకాశం జిల్లా పొదిలి మండలం ఉప్పలపాడులో చోటుచేసుకుంది. స్థానికులు తెలిపిన వివరాల ప్రకారం.. గుంటూరి రంగయ్య, రమణమ్మల కుమార్తె ఆదిలక్ష్మి(25)ని సింగరాయకొండకు చెందిన ఓ వ్యక్తికి ఇచ్చి ఐదేళ్ల క్రితం వివాహం చేశారు. వీరికి ఇద్దరు సంతానం. అయితే, భార్యాభర్తల మధ్య ఇటీవల తరచూ గొడవలు జరుగుతున్నాయి. దీంతో 20రోజుల క్రితం ఆదిలక్ష్మి తన పుట్టిల్లు ఉప్పలపాడుకు వచ్చింది. సోమవారం మధ్యాహ్నం భర్తతో ఫోన్‌లో మాట్లాడగా అతడు దుర్భాషలాడటంతో తీవ్ర మనస్తాపానికి గురైన ఆదిలక్ష్మి తన ఇద్దరు పిల్లల గొంతు కోసి తానూ ఆత్మహత్యాయత్నానికి పాల్పడింది. గమనించిన స్థానికులు ముగ్గురినీ చీమకుర్తి వైద్యశాలకు తరలిస్తుండగా మార్గంమధ్యలో చిన్నారులిద్దరూ (మూడేళ్లు, ఒక సంవత్సరం) ప్రాణాలు విడిచారు. ఆదిలక్ష్మిని చీమకుర్తి వైద్యశాలలో చేర్చుకోకపోవడంతో ఒంగోలు తరలించారు. ఆమె ఆరోగ్య పరిస్థితి విషమంగా ఉన్నట్లు బంధువులు తెలిపారు.

Read latest Crime News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని